![\"\"](\"https://www.aravot.am/2010/aravot_arm/April/22/p21.jpg\")
Լեհաստանի նախագահի պաշտոնակատար Բրոնիսլավ Կոմորովսկին չորեքշաբթի օրը հայտարարել է նախագահի արտահերթ ընտրությունների օրը: Դրանք տեղի կունենան հունիսի 20-ին: ԼՁԸՀ-ՁԸհհ-ի մատուցմամբ, Լեհաստանի գործող օրենսդրության համաձայն, ընտրությունները պետք է անցկացվեն դրա հայտարարման օրվանից ոչ պակաս, քան՝ 60 օր հետո: Հենց այդ նկատի ունենալով էլ՝ ընտրությունների օրը նշանակվել է հունիսի 20-ին, իսկ երկրորդ փուլը՝ հուլիսի 4-ին: Ըստ երկրում գործող ընտրական օրենսդրության, քվեաթերթիկում պետք է լինի առնվազն երկու թեկնածուի անուն, իսկ որպեսզի քաղաքացին գրանցվի որպես նախագահի թեկնածու, նա պետք է Կենտրոնական ընտրական հանձնաժողով ներկայացնի 100 հազար ![\"\"](\"https://www.aravot.am/2010/aravot_arm/April/22/p20.jpg\")
ստորագրություն: Լեհաստանի իշխող՝ «Քաղաքացիական պլատֆորմ» կուսակցության կողմից, ըստ ամենայնի, որպես նախագահի թեկնածու կառաջադրվի հենց Բրոնիսլավ Կոմորովսկին, ով այսօր խորհրդարանի ստորին պալատի խոսնակն է եւ կուսակցության՝ դեռ մարտի 27-ին անցկացված ներքին նախընտրական ընտրությունների արդյունքում հավաքել էր 68,5 տոկոս քվե: Այդ կուսակցությունում երկրորդն իր վարկանիշով՝ 31,5 տոկոս, ԱԳ նախարար Ռադոսլավ Սիկորսկին է, որը եւս համարվում է նախագահի պաշտոնի պոտենցիալ թեկնածու:
Վերլուծաբանները, սակայն, չեն բացառում, որ նախագահական պայքարին կարող է մասնակցել նաեւ «Իրավունք եւ արդարություն» կուսակցության առաջնորդ, Լեհաստանի նախկին վարչապետ եւ զոհված նախագահի երկվորյակ եղբայր Յարոսլավ Կաչինսկին: Այդ կուսակցությունը ապրիլի 24-ին քաղխորհրդի նիստ է գումարելու՝ որոշելու համար ընտրություններին իր թեկնածուի առաջադրման հարցը: Փորձագետները կանխատեսում են, որ ընտրությունների երկրորդ փուլում միմյանց հետ կմրցակցեն հենց Յարոսլավ Կաչինսկին եւ Բրոնիսլավ Կոմորովսկին:
