ՀՀ մարդու իրավունքների պաշտպան Արմեն Հարությունյանը երեկ անդրադառնալով ապրիլի 7-ին մերձդնեստրյան Տիրասպոլ քաղաքում ձերբակալված լրագրող Էդնեստ Վարդանյանի խնդրին, ասել է, որ ինքն է խնդրել Ղարաբաղի օմբուդսմանին՝ համապատասխան հայտարարությամբ հանդես գալ: «Ղարաբաղի օմբուդսմանին ես եմ խնդրել, որ այդ հարցով խառնվի, նաեւ Էռնեստ Վարդանյանի հարազատներին եմ նրա հետ կապել: Անձամբ ես Մերձդնեստրի կոլեգիայի հետ չէի կարող կապվել, որովհետեւ այն միջազգային իրավունքի տեսակետից չճանաչված երկիր է»,- պարզաբանել է նա:
