Ապրիլի 19-ին Տավուշի մարզի Բերդավան գյուղի 52-ամյա բնակիչ, երեք երեխաների հայր Սոս Խանինյանը տուն չի վերադարձել: Նա սահմանագոտում հող էր մշակում: Հողատարածքը մշակելուց, հարթեցնելուց հետո Սոսը մոտակա ցաքուտներում ծնեբեկ է քաղել, որի ժամանակ էլ պայթել է հակահետեւակային ականի վրա: Բերդավանի գյուղապետ Արարատ Գաբրիելյանից տեղեկացանք, որ ապրիլի 20-ի առավոտյան Սոս Խանինյանի մարմինը դուրս է բերվել սահմանագոտուց:
