Գեղարքունիքի մարզպետարանից տեղեկացանք, որ ապրիլի 18-ի երեկոյան Վարդենիսի տարածքի Կուտական-Տրետուք համայնքների վարչական տարածքի լեռներում հայտնաբերվել է Գեղարքունիքի մարզի Սոթք գյուղի բնակիչ՝ 1970 թվականին ծնված պայմանագրային զինծառայող Արմեն Հարությունյանի դին: Գեղարքունիքի մարզի փրկարար ծառայության պետ Մարտին Բարսեղյանը այս առթիվ հիշեցրել է, որ Արմեն Հարությունյանը այս տարվա հունվարի 7-ին հանձնել է մարտական հերթափոխը, որից հետո տուն է վերադարձել, սակայն անհասկանալի հանգամանքներում անհայտացել է: Որոնողական աշխատանքները այդ օրվանից մինչեւ ապրիլի 18-ը շարունակվել են: Ենթադրվում է, որ Արմեն Հարությունյանը ճանապարհին մոլորվել է, ընկել ձնահյուսի մեջ: Նրա մարմինը հնարավոր է եղել գտնել միայն ձնհալից հետո:
