Թուրքիայի արտգործնախարարությունը պատրաստել է 10 կետանոց մի փաստաթուղթ, որում խորհուրդ է տալիս պաշտոնյաներին, թե ինչպես է հարկավոր արձագանքել Հայոց ցեղասպանությանը վերաբերող հարցերին: Փաստաթղթում նշվում է, որ անհրաժեշտ է կարեւորել հայ-թուրքական հարաբերությունների կարգավորումը՝ շեշտը դնելով նաեւ 1915 թվականի իրադարձություններն ուսումնասիրող պատմաբանների հանձնաժողովի ստեղծման վրա: Ըստ փաստաթղթի՝ «Թուրքիան ճանաչում է այդ տարիներին կատարված հանցագործությունները, սակայն դրանք պատերազմի ողբերգական էջեր են միայն, եւ քրիստոնյա հայերի համակարգված, նպատակաուղղված ոչնչացում չի եղել»,- տեղեկացնում է «Նոյյան Տապան»-ը:
