Հայկական սփյուռքի նախարարությանն ի հակակշիռ, Թուրքիայի նախագահ Աբդուլա Գյուլը կառավարական որոշում է ստորագրել, որի համաձայն՝ պետք է ստեղծվի Արտասահմանի թուրքերի միությունների վարչություն: Այս մասին հաղորդում է «Նոյյան Տապան»-ը՝ վկայակոչելով sardarabad.com.ar կայքէջը: Վարչությունը պետք է երեք փոխնախագահներ, երեք խորհրդականներ եւ 101 աշխատակից ունենա: Վարչությունը պետք է իրավասու լինի աշխատանքներ իրականացնել Թուրքիայից դուրս ապրող թուրքերի հետ, լուծել նրանց խնդիրները, զարգացնել ազգակցական կապեր ունեցողների հասարակական, մշակութային եւ տնտեսական հարաբերությունները: Այս որոշման գլխավոր նպատակը Հայկական սփյուռքի գործունեությանը հակակշռելն է, ցեղասպանության փաստը ուրանալու Անկարայի ջանքերին նպաստելը: Առայժմ հայտնի չէ՝ արդյոք այդ վարչությունը ղեկավարելու է թուրքական կոմկուսի որեւէ նախկին ղեկավա՞ր:
