Թուրքիայի նախագահ Աբդուլա Գյուլը հեռախոսազրույց է ունեցել օրեր առաջ Սամսունում հարձակման ենթարկված քրդական կուսակցության նախկին առաջնորդ Ահմեդ Թուրքի հետ: 2009թ. դեկտեմբերին Թուրքիայի Սահմանադրական դատարանի որոշմամբ փակված «Ժողովրդավարական հասարակություն» կուսակցության նախկին առաջնորդ Ահմեդ Թուրքը հայտնել է, որ իրեն զանգել է նախագահ Գյուլը եւ ափսոսանք է հայտնել կատարվածի կապակցությամբ: Ահմեդ Թուրքը նշել է, որ Գյուլը շնորհակալություն է հայտնել իրեն՝ ցուցաբերած ողջախոհ պահվածքի համար:
