Երեւանում երեկ բացվել է Ինովացիոն համագործակցության ռուս-հայկական կենտրոն: Բացման հանդիսավոր արարողությունը տեղի է ունեցել այսօր՝ Կ. Դեմիրճյանի անվան մարզահամերգային համալիրում: Միջոցառմանը մասնակցել են էկոնոմիկայի նախարար Ներսես Երիցյանը, ՌԴ նախագահի հատուկ ներկայացուցիչ ԱՊՀ երկրներում, ՌԴ ԱՊՀ, արտասահմանում բնակվող հայրենակիցների եւ միջազգային հումանիտար համագործակցության հարցերով Դաշնային գործակալության («Ռոսսոտրուդնիչեստվո») ղեկավար Ֆարիդ Մուխամետշինը, որոնք կենտրոնի բացման մասին հուշագիր են ստորագրել: Կենտրոնը գտնվելու է Երեւանում՝ «Ռոսսոտրուդնիչեստվո»-ի ներկայացուցչությունում եւ միջնորդ օղակի դեր է խաղալու մի կողմից՝ ինովացիաներ մշակողների, մյուս կողմից՝ խոշոր գիտական հաստատությունների եւ վենչուրային հիմնադրամների միջեւ:
