ԵԽԽՎ ղեկավար Մովլութ Չավուշօղլուն Ադրբեջան այցից հետո կայցելի Հայաստան: Այդ մասին ԵԽԽՎ նախագահը հայտարարել է Բաքու ժամանելուց հետո: Ինչպես հաղորդում է «Արմինֆո»-ն՝ վկայակոչելով Trend-ը, Մ. Չավուշօղլուն հայտարարել է, որ ապրիլին ԵԽԽՎ-ն կվերսկսի ղարաբաղյան հակամարտության գծով ենթակոմիտեի աշխատանքը: Նրա խոսքով, ապրիլին տեղի կունենա հանդիպում Ադրբեջանի եւ ՀՀ ներկայացուցիչներ Սամեդ Սեիդովի եւ Դավիթ Հարությունյանի հետ, ինչից հետո կվերսկսվի ենթակոմիտեի աշխատանքը, որը դադարեցվել էր ենթակոմիտեի ղեկավար լորդ Ռասսել Ջոնսթոնի մահվանից հետո:
