![\"\"](\"https://www.aravot.am/2010/aravot_arm/April/14/p1.jpg\")
Երեկ Կոտայքի մարզի Չարենցավանի ոստիկանության բաժին բերման էին ենթարկվել 1,5 մլն դրամ արժողությամբ ապրանքի գողություն կատարելու մեջ կասկածվող հինգ քաղաքացիներ, որոնց թվում է եղել նաեւ 1986թ. ծնված Վահե Լեւիկի Խալաֆյանը: «Առավոտի» տեղեկություններով, վերջինս հենց ոստիկանության բաժնում իր մոտ եղած դանակով հարված է հասցրել իր որովայնին: Մինչեւ հիվանդանոց հասցնելը նա արդեն մահացած է եղել: Ոստիկանության վարկածով, նա «ինքնավնասման» զոհ է դարձել: Նույն աղբյուրից «Առավոտին» հավաստիացնում են, թե մինչ այդ իրենք արդեն պարզել էին, որ գողություն կատարելու ենթակա հասցեն իր ընկերներին ցույց էր տվել հենց Վ. Խալաֆյանը, ով բանակից զորացրված է եղել հոգեկան հիվանդ լինելու պատճառով, իսկ զինկոմիսարիատում նրա անձնական գործում, իբր, կան նաեւ նախկինում կատարած «ինքնավնասման» դեպքերի փաստեր:
