Ռուս եւ ամերիկացի ֆիզիկոսները սինթեզել են Մենդելեեւի աղյուսակի նոր տարրը, տեղեկացնում է news.am-ը, վկայակոչելով «Ինտերֆաքսը»: «Նոր տարրի սինթեզն իրականացվել է կալցիում 48-ի եւ 97-րդ արհեստական տարրի իզոտոպից, որի կիսաքայքայման շրջանը 320 օր է տեւում»,- հայտնել է գիտնականներից մեկը: Որպես նոր տարրի սինթեզի փորձերի ղեկավար՝ հանդես է եկել ակադեմիկոս Յուրի Հովհաննիսյանը: Ըստ նույն աղբյուրի, փորձերի ընթացքում նոր տարրի «ծնվելու» վեց իրադարձություն է գրանցվել:
