Ինչպես տեղեկացնում է «Հարավկովկասյան երկաթուղի» ՓԲԸ-ն՝ Երեւանի երկաթուղային կայարանում սկսվել են վերանորոգման աշխատանքներ, որոնց շրջանակներում կվերականգնվի կայարանի շենքի ներքնահարդարումը, կփոխվեն տարբեր հաղորդակցություններ: 2009-ի համեմատությամբ 53%-ով ուղեւորահոսքի ավելացման հետ կապված՝ ընկերությունը նախատեսել է տարանջատել կայարանի սպասասրահները՝ միջազգայինի եւ միջքաղաքայինի, ինչպես նաեւ տեղադրել լրացուցիչ տոմսարկղեր: Բացի դրանից, նախատեսվում է կայարանի շենքում կառուցել հյուրանոցային համարներ՝ ինչպես երկաթուղու աշխատակիցների, այնպես էլ միջազգային կապի ուղեւորների համար:
