Ճապոնիայի խորհրդարանի վերին պալատի պատգամավորը խայտառակությամբ հրաժարական է տվել, քանի որ մերկացվել է քվեարկության ժամանակ իր գործընկերոջ կոճակը սեղմելու մեջ: «Շփոթվել եմ»,- ԼՁԸՀ-ՁԸհհ-ի մատուցմամբ, իր արարքն այսպես է պատճառաբանել այդ երկրի Լիբերալ-դեմոկրատական ընդդիմադիր կուսակցության պատգամավոր, Հողագործության, անտառտնտեսության եւ ձկնորսության հարցերով նախկին նախարար Մասատոսի Բակաբայասին:
Նա ստիպված է եղել հրաժարվել իր մանդատից այն բանից հետո, երբ խորհրդարանի վերին պալատի կարգապահական հանձնաժողովին ներկայացվել է մի լուսանկար, որտեղ արձանագրված է եղել, որ մարտի 31-ին պատգամավորը սեղմել է նիստից բացակայած իր հարեւան գործընկերոջ քվեարկության կոճակը: Մինչ այս Ճապոնիայի խորհրդարանում երբեք նման դեպք չէր արձանագրվել, ինչը չես ասի Հայաստանի խորհրդարանի մասին:
