ԱԻՆ փրկարար ծառայությունից երեկ տեղեկացրին, որ նախորդ օրը, ժամը 15.22-ին, ահազանգ է ստացվել, որ Երեւանի Աճառյան փողոցում՝ «Hyundai» ցուցասրահ-սպասարկման կենտրոնին հարակից տարածքում հայտնաբերվել է նռնակ: Պարզվել է, որ կենտրոնի հանդիպակաց հատվածում՝ մայթեզրին, ընկած է «Ֆ-1» տիպի նռնակ՝ բռնկիչով, առանց պաշտպանիչ օղակի: Սակրավորների ուժերով նռնակը տեղում վնասազերծվել է եւ տեղափոխվել անվտանգ տարածք:
