Հայրենական մեծ պատերազմում հաղթանակի 65-ամյակի կապակցությամբ՝ մարտի 26-ին Նոյեմբերյանի քաղաքային պոլիկլինիկայում պատերազմի վետերանների համար կազմակերպվել էր «Առողջության օր»: Նոյեմբերյան քաղաքում, Կողբ եւ Բերդավան գյուղերում բնակվող պատերազմի մի քանի վետերաններ անվճար բուժզննվեցին, ստացան բժշկական խորհրդատվություն: Մեր տեղեկություններով՝ այս ակցիան կազմակերպվել է Տավուշի մարզպետարանի նախաձեռնությամբ եւ կայացել նաեւ Տավուշի մարզի մյուս քաղաքներում: Հայրենական պատերազմի վետերանները օրենքով մշտապես անվճար բուժօգնության իրավունք ունեն: Ուստի հասկանալի չէ այս ակցիայի իմաստը:
