Լուսանկարը մոտ մեկ տարվա վաղեմություն ունի: Նկարում երեք պաշտոնյա են, երեքն էլ՝ Արմեն: Ձախից աջ՝ Դիլիջանի քաղաքապետ Սանթրոսյան, ՀՀ տարածքային կառավարման նախարար Գեւորգյան, Տավուշի մարզպետ Ղուլարյան:
Երեքն էլ՝ Արմեն: Երկուսը՝ նշանակովի, մեկը՝ ընտրովի: Երկուսը՝ հանրապետական, մեկը՝ անկուսակցական, երկուսը՝ մարզից, մեկը՝ Երեւանից: Երկուսը՝ տասը տարուց ավելի իշխանության մեջ, մեկը՝ տասը տարուց պակաս: Երկուսը՝ քառասունն անց, մեկը՝ մինչեւ քառասուն տարեկան: Երկուսը՝ փողկապով, մեկը՝ առանց: Երկուսը՝ բարձրագույն կրթությամբ, մեկը՝ գիտությունների թեկնածու: Դեռ էլի կարելի է շարունակել:
Արմենը տարածված անուն է հայերի շրջանում: Արմեններ շատ կան նաեւ Հայաստանի իշխանության տարբեր մակարդակներում: Այս Արմենների կողքին կարող են լինել ՀՀ էներգետիկայի նախարար Մովսիսյանը, ՀՀ կրթության եւ գիտության նախարար Աշոտյանը, ՀՀ արտակարգ իրավիճակների նախարար Երիցյանը, ՀՀ մարդու իրավունքների պաշտպան Հարությունյանը…
