ԱԻՆ փրկարար ծառայությունից «Առավոտին» երեկ տեղեկացրին, որ Վայոց ձորի մարզային ոստիկանությունից ստացված տեղեկության համաձայն՝ Ջերմուկին հարակից լեռան դժվարանցանելի հատվածում հայտնաբերվել է տղամարդու դիակ: Լեռան հիշյալ հատվածից փրկարարների ուժերով իջեցվել է Գեղարքունիքի մարզի Գեղհովիտ գյուղի բնակիչ՝ 37-ամյա Վահան Զաքարյանի դին: Փրկարարների կողմից որոնողական աշխատանքներ են տարվել նաեւ Գեղարքունիքի մարզի Զոլաքարի բնակիչ՝ 36-ամյա Խաչիկ Հակոբյանի դին գտնելու ուղղությամբ: Երեկ առավոտյան որոնողական աշխատանքները վերսկսվել են:
