Վարդենիսի զորամասում 2007թ. օգոստոսին անհայտ հանգամանքներում մահացած զինծառայող Տիգրան Օհանջանյանի գործով նախորդ օրը ՀՀ քրեական վերաքննիչ դատարանը մերժեց ՊՆ քննչական վարչության ավագ դատախազ Հարութ Հարությունյանի վերաքննիչ բողոքը: Տուժողի իրավահաջորդները վերաքննիչ բողոք չէին բերել, ինչպես տեղեկացրել էինք մեր նախորդ օրվա համարում: Պարզ չէ, սակայն, դատախազը կդիմի՞ ՀՀ վճռաբեկ դատարան: Հիշեցնենք, որ այս գործով Գեղարքունիքի մարզի ընդհանուր իրավասության դատարանը այս տարվա հունվարին դադարեցրել է ծառայողական անփութության մեղադրանքով կալանված Ռուստամ Ասատրյանի եւ Կարեն Թովմասյանի նկատմամբ քրեական հետապնդումը:
