«Ամերիաբանկի» եւ «Կասկադ Բանկի» բաժնետերերը (Ռուբեն Վարդանյանը եւ Ջերարդ Գաֆեսճյանը) երեկ կնքել են երկու բանկերի միաձուլման պայմանագիր: Երեկ ասուլիսի ժամանակ «Ամերիաբանկի» գլխավոր տնօրեն Արտակ Հանեսյանը ասել է, որ Հայաստանի ֆինանսական շուկայում այս միաձուլման գործարքն աննախադեպ է: Միաձուլման երկփուլ գործընթացը այս տարվա ընթացքում կավարտվի: Երկու բանկերի միաձուլման արդյունքում «Ամերիաբանկը» իր ֆինանսական ցուցանիշներով կհայտնվի Հայաստանի բանկային համակարգի առաջին եռյակում: Հիշեցնենք, որ «Կասկադի» եւ «Ամերիայի» միաձուլման կամ, ավելի շուտ՝ «Ամերիայի»՝ «Կասկադը» գնելու ցանկության մասին խոսակցություններ կային դեռ անցած գարնանը, սակայն այդ խոսակցություններն արագ մարեցին:
