Մեծ Բրիտանիան եւ Ատոմային էներգիայի միջազգային գործակալությունը (IAEA) ավարտել են ՀՀ-ում ատոմային անվտանգության մի ծրագրի իրագործումը: Մեծ Բրիտանիան իր «Համաշխարհային վտանգի նվազեցում» ծրագրի միջոցով ֆինանսավորել էր €1.58 մլն արժողությամբ ծրագիրը, որի նպատակն է բարելավել Մեծամորի ատոմակայանի ֆիզիկական պաշտպանվածությունը:
Ինչպես «Ա1+»-ը տեղեկացել է ՀՀ-ում Մեծ Բրիտանիայի դեսպանատնից՝ այդ ծրագիրն իրագործել է IAEA-ի Միջուկային անվտանգության ֆոնդը: Մեծամորի ատոմակայանի անվտանգության բարելավման ծրագիրը վերջինն է ՄԹ Միջուկային անվտանգության ծրագրերի շարքում: Այդ գումարի մեկ քառորդը ուղղվել է Հայաստանին, որը ծրագրի ամենամեծ շահառուն է:
