Աֆղանստանի Փարվան գավառում, Բահրամի ամերիկյան ռազմական հենակետի տարածքում գտնվող ռազմական օդակայանից քիչ հեռու մի քանի ռեակտիվ ականներ են պայթել: Դա տեղի է ունեցել կիրակի օրը կարճատեւ եւ չհայտարարված այցով Աֆղանստանում գտնվող ԱՄՆ նախագահ Բարաք Օբամայի մեկնումից անմիջապես հետո: «ՀԼԸ-ծՏՉՏրՑՌ»-ի փոխանցմամբ, թեեւ ՆԱՏՕ-ի ներկայացուցիչները հայտարարել են ընդամենը մեկ պայթյունի մասին, բայց թալիբների «մամուլի քարտուղար» Զաբիուլլա Մոջահեդը երկուշաբթի օրը լրագրողներին ասել է, թե օդակայանի մոտակայքում պայթել է թալիբների կողմից արձակված երեք հրթիռ: Հրթիռակոծմանը կոալիցիոն ուժերը պատասխանել են Կալա-ե Բանդ շրջանի գնդակոծմամբ:
Թալիբները հայտարարել են նաեւ երկուշաբթի օրը ՆԱՏՕ-ի ռազմական մի ուղղաթիռ կործանելու մասին: Նրանց հաղորդման համաձայն, ուղղաթիռի անձնակազմի բոլոր անդամները սպանվել են:
