Ըստ «Արմինֆոյի», ապրիլի 12-14-ը Երեւանի պետական բժշկական համալսարանը (ԵՊԲՀ) կհյուրընկալի նշանավոր գիտնական, բիոքիմիկոս, Նոբելյան մրցանակի դափնեկիր Ահարոն Չեյխանովերին: Ինչպես տեղեկացնում է ԵՊԲՀ կայքը, այցի ընթացքում Չեյխանովերը զեկույցներով հանդես կգա ԵՊԲՀ 90-ամյակին նվիրված հանդիսությունների շրջանակներում անցկացվող Երիտասարդ գիտնականների միջազգային կոնգրեսի ընթացքում: Առաջին զեկույցը հրապարակային դասախոսություն է՝ հետեւյալ խորագրով. «Դեղագործությունը XXI դարում. պատրա՞ստ ենք, արդյոք, բուժել բոլոր հիվանդությունները»: Հաջորդ գիտական զեկույցը նվիրված է «Ուբիկվիտին պրոտեոլիտիկ համակարգ-լաբորատորիայից դեպի հիվանդի անկողին եւ դեղագործության զարգացում» թեմային:
