Երեկ ժ.17-ին Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Գայանե Կարախանյանը հրապարակեց «Ժառանգություն» կուսակցության պատգամավոր Զարուհի Փոստանջյանի բողոքի վերաբերյալ որոշումը: Հիշեցնենք, որ «Ազատամտություն» թերթում պատգամավորի պատիվն ու արժանապատվությունը վիրավորող հրապարակումների վերաբերյալ ոստիկանության կողմից հարուցված քրեական գործը կարճվել էր՝ ՀՀ ոստիկանության քննիչի եւ գործը վերահսկած դատախազի որոշմամբ: Դատարանը բավարարել էր պատգամավորի հայցը եւ պարտավորեցրել էր ոստիկանության քննիչին՝ վերացնել Զ. Փոստանջյանի իրավունքների խախտումը:
