ՀՖՖ մամուլի քարտուղարությունը տեղեկացնում է, որ այսօր ֆուտբոլի Հայաստանի կանանց ազգային հավաքականը մեկնելու էր Սլովենիա, որտեղ մարտի 27-ին Վեդենյե քաղաքում աշխարհի գավաթի խաղարկության խմբային մրցաշարի շրջանակներում հանդիպելու է տեղի ընտրանու հետ: Այնուհետեւ մեր աղջիկներին նույն մրցաշարի շրջանակներում լուրջ փորձություն է սպասվում մարտի 31-ին՝ Պորտուգալիայում:
Հիշեցնենք, որ Հայաստանի կանանց հավաքականը ենթախմբում անցկացրած բոլոր հինգ խաղերն էլ տանուլ է տվել. երկու անգամ՝ Իտալիային, համապատասխանաբար, 0:7 եւ 0:8 հաշիվներով, նույնքան անգամ՝ Ֆինլանդիային՝ 0:7 եւ 0:4, եւ սեփական հարկի տակ 1:5 հաշվով զիջել է Սլովենիային: Մեր թիմն առանց միավորի եզրափակում է խմբի մրցաշարային աղյուսակը:
Ֆինլանդիա 4 4 0 0 15-0 12
Իտալիա 4 4 0 0 25-0 12
Պորտուգալիա 3 1 0 2 4-3 3
Սլովենիա 4 1 0 3 5-16 3
Հայաստան 5 0 0 5 1-31 0
