Երեկ ՀՀ պաշտպանության նախարարությունում տեղի ունեցավ ՀՀ պաշտպանության ռազմավարական վերանայման աշխատանքները համակարգող միջգերատեսչական հանձնաժողովի հերթական նիստը: Այն նախագահում էին հանձնաժողովի համանախագահներ, ՀՀ ազգային անվտանգության խորհրդի քարտուղար Արթուր Բաղդասարյանը եւ ՀՀ պաշտպանության նախարար Սեյրան Օհանյանը: Ամփոփվեցին պաշտպանության ռազմավարական վերանայման 3-րդ փուլի ընթացքում կատարված աշխատանքները: Հանձնաժողովի մշակած փաստաթղթերով հիմք է ստեղծվել պաշտպանության ոլորտում երկարաժամկետ պլանավորում իրականացնելու համար: Համանախագահներն իրենց գոհունակությունը հայտնեցին նախորդ ամիսների ընթացքում հանձնաժողովի եւ նրան կից փորձագիտական խմբերի աշխատանքից:
