Երեկ «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում կայացել է $10 750 000-ի առք եւ վաճառք՝ 392.49 դրամ՝ $1-ի դիմաց միջին կշռված փոխարժեքով: Իսկ ըստ «Արմինֆոյի»՝ երեկ Երեւանի առեւտրային բանկերի տարադրամի փոխանակման կետերում ԱՄՆ դոլարի առքի առավելագույն գինը կազմել է 393 դրամ, եվրոյի առքի առավելագույն գինը՝ 531 դրամ: Դոլարի վաճառքի նվազագույն գինը կազմել է 396 դրամ՝ 1 դոլարի դիմաց, եվրոյի վաճառքի գինը կազմել է 533 դրամ՝ 1 եվրոյի դիմաց: Իր հերթին news.am-ը տեղեկացնում է, որ միջազգային ֆինանսական շուկաներում շարունակվում է եվրոյի անկումը: Եվրոն ԱՄՆ դոլարի համեմատությամբ իջել է մինչեւ 1.33-ի:
