![\"\"](\"https://www.aravot.am/2010/aravot_arm/March/24/p17.jpg\")
Երեքշաբթի օրը, վաղ առավոտյան, Ֆիլիպինների հյուսիսում ուժեղ, տարբեր տվյալներով՝ 5,7-5,9 մագնիտուդի, երկրաշարժ է գրանցվել: Ստորգետնյա ցնցումների էպիկենտրոնը եղել է Լաոագ քաղաքից հյուսիս-արեւելք: Հնարավոր ցունամիի մասին նախազգուշացումներ չեն արվել: Ֆիլիպինների իշխանություններն առայժմ որեւէ տվյալ չունեն տարերային աղետի պատճառած վնասների չափի մասին, բայց, նրանց գնահատմամբ, ցնցումները կարող էին ոչ մեծ ավերածությունների պատճառ դառնալ: Ֆիլիպինները աշխարհի, այսպես կոչված՝ «Խաղաղօվկիանոսյան հրե օղակի» ամենասեյսմաակտիվ տարածաշրջաններից մեկն է, որտեղ ուժեղ երկրաշարժերը պարբերական բնույթ են կրում:
