ՆԱՏՕ-ի կոալիցիոն ուժերի թուրքական համակազմի ուղղաթիռը Քաբուլի հարավում վթարի է ենթարկվել: Վարդակ գավառի տեղական իշխանության ներկայացուցիչների տվյալներով, թուրք զինվորականներից մեկը զոհվել է, վնասվածքներ ստացած եւս երեքը գտնվում են ծանր վիճակում: Կոալիցիոն ուժերին մատակարարման ծառայություններ մատուցող թուրքական համակազմի ուղղաթիռը վթարի է ենթարկվել ՆԱՏՕ-ի հենակետում վայրէջք կատարելու ժամանակ: BBC-ի մատուցմամբ, սակայն, Աֆղանստանում ՆԱՏՕ-ի ռազմական ուժերի հրամանատար Թոդդ Վիչիանը հերքել է թուրք զինվորականի զոհվելու մասին լուրը: Նրա ասելով, ուղղաթիռի անձնակազմի բոլոր 4-5 անդամները կենդանի են եւ տեղափոխվել են հիվանդանոց:
