Այսօր Թեղուտի պաշտպանության խումբը, ինչպես որ ծրագրել էր, ՀՀ վարչական դատարանի առաջին նիստին համընթաց բողոքի ակցիա եւ հացադուլ էր անում:
«Էկոլուրի» փոխանցմամբ, հայցի հիմքում ընկած է պետական մարմինների մի շարք որոշումների բողոքարկումը, որոնք վերաբերում են «ACP» ընկերության՝ Թեղուտի պղնձամոլիբդենային հանքավայրի շահագործման (մտնում է «Vallex»-ի ընկերությունների խմբի մեջ) ծրագրի հաստատմանը: Ակցիայի մասնակիցների ներկայացմամբ, իրենք ցանկանում են ուշադրություն հրավիրել այդ գործընթացի վրա եւ հույս ունեն, որ դատարանը կվերականգնի արդարությունը. «Կառավարության որոշմամբ խախտվել են օրենքներ, ուշադրության չի առնվել այն, որ ոչնչանում է Թեղուտի անտառի էկոհամակարգը, վերանում է ջուրը, տուժում է տեղի բնակչությունը»:
