Կիպրոսի ուղղափառ եկեղեցու սպասավոր արքեպիսկոպոս Խրիզոստո 2-րդը 1974թ. ի վեր առաջին անգամ այցելել է կղզու թուրքական հատվածում գտնվող մենաստան: Վկայակոչելով AFP-ն՝ APA-ն փոխանցում է, թե Անդրեյ առաքյալի մենաստանը, որը գտնվում է Կարպասի թերակղզում, Կիպրոսի հունական հատվածի ուղղափառ հավատացյալների ամենահին սրբավայրն է: Իր այցից առաջ արքեպիսկոպոսը նամակով դիմել էր Թուրքիայի վարչապետ Ռեջեբ Թայիբ Էրդողանին՝ թույլտվություն խնդրելով վերանորոգման եւ վերականգնման աշխատանքներ սկսել ոչ միայն այս մենաստանում, այլեւ՝ թուրքական իշխանությունների վերահսկողության տակ գտնվող մշակութային ժառանգություն հանդիսացող այլ օբյեկտներում: Բացի այդ, Խրիզոստո 2-րդը նախատեսում է ապրիլի 16-19-ը այցելել Թուրքիա եւ այդ երկրի կառավարության ղեկավարին հանձնել 520 այն եկեղեցիների ցանկը, որոնք անհապաղ բարենորոգման կարիք ունեն:
