Երեւանի բաժանորդների 90%-ն ունի 20-ժամյա ջրամատակարարում։ Այս մասին, ըստ tert.am-ի երեկ ասել է «Երեւան Ջուր» ընկերության գլխավոր տնօրեն Պասկալ Ռուայեն՝ նշելով, որ կան նաեւ օրական 4 ժամ ջրամատակարարում ստացող գոտիներ, որոնց ուղղությամբ ընկերությունն աշխատանքներ է իրականացնում։ Ընկերությունն ամսական 400 ապօրինի ջրամիացման դեպք է հայտնաբերում։ 2009-ին «Երեւան Ջուրն» արտադրել է 307 մլն խմ ջուր, որից օգտագործվել է 55 մլն խմ-ն։ Մնացածը կազմել են կորուստները։ Օգտագործված 55 մլն խմ ջրից 2 մլն խմ-ն մատակարարվել է ցայտաղբյուրների միջոցով, որի դիմաց ընկերությունը վճարում չի ստացել, բայց այս տարի Երեւանի քաղաքապետարանի հետ կստորագրեն պայմանագիր, ըստ որի՝ ցայտաղբյուրների ջրի դիմաց քաղաքապետարանը կվճարի։
