Պետական եկամուտների կոմիտեի մամուլի ծառայությունը երեկ տեղեկացրեց, որ «270 մլն դրամի ապրանքների մատակարարում եւ ծառայությունների մատուցում» գործարքների մեկ տարվա իրականացնողը Սամվել Սիմոնյանն է:
Նաիրիի տարածքային հարկային տեսչությունում հաշվառված «Մարիա-Տիգրան» ՍՊԸ-ի տնօրեն Ս. Սիմոնյանը 2009թ. ապրիլից-դեկտեմբեր տարբեր ընկերությունների ապրանքներ է մատակարարել եւ ծառայություններ մատուցել՝ մայրաքաղաքի բնակիչ Տիգրան Սահակյանի կազմակերպմամբ: Հարկային տեսչություն չեն ներկայացվել հաշվետվություններ: Նախաքննությամբ ձեռք բերված ապացույցների հիման վրա հարուցվել է քրեական գործ. Ս. Սիմոնյանին մեղադրանք է առաջադրվել նախատեսված հանցանքը կատարելու համար, իսկ Տ. Սահակյանին՝ որպես կազմակերպիչ: Երկուսն էլ կալանավորվել են: Հարկերից չարամտորեն խուսափելու համար նախատեսված է ազատազրկում՝ 5-10 տարի:
