Այսպես է արտահայտվել Արթուր Աբրահամը մարտի 27-ին կայանալիք Անդրե Դիրրելի հետ մարտի մասին: «Ես տարված եմ Ամերիկա վերադառնալու առիթով: Մենք Կալիֆոռնիայում գերազանց ճամբար ունեինք, որից հետո մարզումներս շարունակել եմ Բեռլինում: Ամերիկան հրաշալի երկիր է, եւ ես անհամբերությամբ եմ սպասում այնտեղ վերադառնալուն: Մեկ շաբաթ կունենամ Դիրրելի հետ մարտին տեղում նախապատրաստվելու համար: Անդրեն հույսը կարող է դնել միայն երկրպագուների աջակցության վրա: Բայց դա նրան չի փրկի: Ռինգում մենք երկուսով ենք լինելու: 2008-ին էլ Էդիսոն Միրանդայի հետ հանդիպումը կայացավ Ֆլորիդայում: Բայց ես նրան նոկաուտի ենթարկեցի չորրորդ ռաունդում»,- մեկնելուց առաջ հայտարարել է Աբրահամը:
