Մարտիրոս Սարյանի տուն-թանգարանում, բացի «Մարտիրոս Սարյանը լուսանկարներում» նորաբաց ցուցահանդեսից, գործում է նաեւ «Մարտիրոս Սարյանի գրքային նկարազարդումների արվեստը» խորագրով ցուցահանդես: Այն ընդգրկում է 1929-1937թթ. Մ. Սարյանի գրքային նկարազարդումների 107 աշխատանք, որոնք ներկայացված են Հայաստանի ազգային պատկերասրահի, Մարտիրոս Սարյանի տուն-թանգարանի ֆոնդերից եւ Մ. Սարյանի ընտանիքի հավաքածուից: Ցուցադրվում են հայտնի հեքիաթների, բանաստեղծությունների, գրքերի նկարազարդումներ: Ցուցահանդեսի նպատակն է հանրությանը Մ. Սարյանին ներկայացնել նաեւ որպես հանճարեղ գրաֆիկ-նկարիչ:
«Մ. Սարյանի գրքային նկարազարդումների արվեստը» ցուցահանդեսը գործելու է մինչեւ մայիսի վերջ:
