2009-ին հայ արտադրողներն ապահովել են թռչնամսի 38 հազար տոննա ներքին պահանջարկից 10 հազարը, երեկ տեղեկացրել է Հայաստանի թռչնաբույծների միության նախագահ Սերգեյ Ստեփանյանը: Ըստ Ս. Ստեփանյանի՝ ներմուծողներն ավելի շահեկան վիճակում են, քան տեղի արտադրողները. տեղական արտադրողների շահութաբերությունը կազմում է շուրջ 5-10%, իսկ ներմուծողներինը մի քանի անգամ ավելի է: Փոխարենը հավկիթի արտադրությունը գերազանցում է սպառումը, ինչը տեղի արտադրողներին արտահանման ուղիներ փնտրելու անհրաժեշտության առջեւ է կանգնեցնում: 2009-ին Հայաստանում արտադրվել է շուրջ 630 մլն հավկիթ: «Ներքին շուկան չի կարող սպառել արտադրված ողջ ծավալը, այդ պատճառով մենք քննարկում ենք արտերկիր արտահանման համար հավկիթի հեղուկ եւ չոր խտանյութերի արտադրության հոսքագծեր ձեռք բերելու հնարավորությունը»,- «Արմինֆոյի» փոխանցմամբ՝ ասել է Ս. Ստեփանյանը:
