«Արեւորդի» միջազգային բնապահպանական փառատոնը նախաձեռնում է բնապահպանական թեմաներով ֆիլմերի պարբերական ցուցադրություններ՝ այսպիսով ստեղծելով կինոդիտումների ու քննարկումների «Կանաչ ակումբ»:
Այսուհետեւ ամեն շաբաթ օր՝ ժամը 16:30-ին, «Կանաչ ակումբում» (Թումանյան 40) «Արեւորդին» հնարավորություն կընձեռի դիտելու հայ եւ օտարազգի հանրահայտ ռեժիսորների բնապահպանական գործերը:
Դիտումներին կհաջորդեն թեմատիկ քննարկումներ: Հայկական ֆիլմերի ցուցադրություններին ներկա կլինեն նաեւ հեղինակները, ովքեր անձամբ կներկայացնեն իրենց աշխատանքները: Նախագիծը ենթադրում է ցուցադրությունների ծրագրում ընդգրկել «Արեւորդի» էկո ակումբների սաների նկարահանած ֆիլմերը եւս, որոնք «Վայրի բնության եւ մշակութային արժեքների պահպանման հիմնադրամի» ստեղծած բնապահպանական կրթության ցանցի արդյունքն են:
