Անկանոն մրցելույթներ

Հայաստանի լավագույն շախմատիստ, գրոսմայստեր Լեւոն Արոնյանը փոփոխակի հաջողությամբ է հանդես գալիս Ֆրանսիայի Նիս քաղաքում ընթացող արագ եւ «կույր» շախմատի «Amber» 19-րդ միջազգային գերմրցաշարում:
Լեւոնը չորրորդ տուրում պարտվեց Ուկրաինայի ներկայացուցիչ Վասիլի Իվանչուկին եւ մրցաշարային աղյուսակում կրկին նահանջեց: Այժմ Արոնյանը արագ շախմատում մրցաշարային աղյուսակում 2,0 միավորով հինգերորդն է, «կույր» շախմատում՝ ութերորդը (1,5 միավոր), իսկ երկու մրցաձեւերի ընդհանուր արդյունքով՝ 3,5 միավոր, յոթերորդը: Հիշեցնենք, որ մրցաշարին մասնակցում են աշխարհի 12 ուժեղագույն գրոսմայստերներ:
Երեկ մրցաշարում հանգստյան օր էր, իսկ այսօր՝ հինգերորդ տուրում, խաղում են Դոմինգես-Գելֆանդ, Հաշիմով-Գրիշչուկ, Կրամնիկ-Պոնոմարյով, Կարյակին-Կարլսեն, Արոնյան-Սվիդլեր, Սմիթս-Իվանչուկ զույգերը: