Օրերս Տավուշի մարզի Ջուջեւան գյուղի 3-րդ դասարանի մի աշակերտ ծեծելով արյունլվա է արել համագյուղացի, անտառապահ Յուրիկ Իսրայելյանի շանը, այնուհետեւ զանգել նրա տուն, փոխված ձայնով պահանջել մեկ միլիոն դրամ դնել իր նշած տեղում, այլապես ընտանիքի բոլոր անդամներին շան օրը կգցի: Իսրայելյան ընտանիքի անդամները ահաբեկվել են: Ի դեպ, նրանց դուստրը Երեւանի շրջաններից մեկի դատախազությունում է աշխատում: Ոստիկանությունը պարզել է այն հեռախոսահամարը, որից կատարվել է զանգը, եւ «ահաբեկիչը» բացահայտվել է: Տղան Նոյեմբերյանի ոստիկանությունում ամենեւին էլ ընկճված չի եղել: 9-ամյա երեխան ասել է, որ վարվել է հայկական սերիալներից մեկի ծպտյալ հերոսի օրինակով:
