Ժամանակակից բոլոր մակնիշի հեռուստացույցները մանրամասնորեն ուսումնասիրվում են ռադիոկենսաբանների, կենսաֆիզիկոսների, բժիշկ-հիգիենիստների կողմից: Նրանց հետազոտությունները ցույց տվեցին, որ հեռուստացույցների էկրանի ճառագայթումը չի անցնում երկրի բնական ճառագայթումից: Սակայն դա չի նշանակում, որ հեռուստացույցի մոտ պետք է նստել ժամերով եւ «օրերով»: Ըստ մասնագետ բժիշկների խորհրդի, ժամանակը, որը կարելի է հատկացնել հեռուստացույց դիտելուն, 2,5-3,5 ժամ է: Դպրոցականների համար այն 1,5-2 ժամ է, նախադպրոցականների համար՝ 30-40 րոպե: Ժամերով դիտելը, ինչպես մեծահասակների, այնպես էլ երեխաների մոտ առաջ է բերում նյարդային համակարգի գերգրգռվածություն, գլխացավ, տեսողության եւ քնի խանգարումներ, աշխատունակության անկում, գիտելիքները դժվար են ընկալվում:
Շատ կարեւոր է նաեւ հեռուստացույցի ճիշտ տեղադրումը: Էկրանի բարձրությունը հատակից պետք է լինի 80-90 սմ, իսկ հեռավորությունը՝ 2-5 մետր: Խորհուրդ չի տրվում դիտել ամբողջովին մութ սենյակում: Կարելի է միացնել սեղանի լամպը կամ էլ այլ լույսի աղբյուր՝ 40-60 վտ: Ավտոմեքենայի ղեկին նստեք հեռուստահաղորդում դիտելուց կես ժամ հետո:
