Բաղդադի արեւմուտքում զինվորականները, որոնք ենթադրաբար ամերիկացիներ են եղել, գնդակոծել են երկու իրաքցի տեղափոխող մի ավտոմեքենա: Արդյունքում զոհվել է «Ջիջլիա» հեռուստաալիքի լրագրող Ասիլ ալ-Օբեյդին եւ նրա ամուսինը: Այդ մասին «ԼՁԸՀ-ՁԸհհ»-ին ասել է Բաղդադի ոստիկանության ներկայացուցիչը: Առայժմ հայտնի չէ, թե ինչու է գնդակոծվել քաղաքացիական ավտոմեքենան: ԱՄՆ-ի ռազմական հրամանատարությունը սկսել է հետաքննել միջադեպը, բայց նաեւ ո՛չ հերքել, ո՛չ հաստատել է մեքենան հենց ամերիկացի զինվորականների կողմից գնդակոծելու մասին տեղեկատվությունը, թեեւ իրաքցի զինվորականները դրանում չեն կասկածում: Դեպքը տեղի է ունեցել Բաղդադի Տոբչի շրջանում, որտեղ ամերիկացի եւ իրաքցի զինվորականները համատեղ գործողություն են իրականացրել:
