Ուրբաթ օրը Ուկրաինայի նախագահ Վիկտոր Յանուկովիչը երկրի արտգործնախարար Կոնստանտին Գրիշչենկոյին, Ուկրաինայի կենտրոնական բանկին, նաեւ վարչապետ Նիկոլայ Ազարովին հանձնարարել է Արժույթի միջազգային հիմնադրամի եւ Համաշխարհային բանկի հետ Ուկրաինայի համագործակցությունը շարունակելու ծրագիր մշակել: BBC-ի մատուցմամբ, Յանուկովիչը հայտարարել է, թե «այդ հարցերով պետք է անհապաղ զբաղվել, որպեսզի մենք զգանք՝ երբ, որքան եւ ինչ պայմաններում կարող ենք այդ կառույցներից օգնություն ստանալ»:
Հիշեցնենք, որ անցյալ տարեվերջին ԱՄՀ-ն հետաձգել էր Ուկրաինային 4 մլրդ դոլարի տրանշի հատկացումը՝ 2010թ. բյուջեն ընդունված չլինելու, նաեւ Ուկրաինայի կառավարության կողմից բյուջետային ծախսերի կրճատումներ անելու վերաբերյալ այդ կառույցի պայմանները չկատարելու պատճառաբանությամբ:
