Մեկ տարի առաջ Երեւանի մետրոպոլիտենում սկսեցին կիրառել բազմակի օգտագործման լիցքավորվող քարտեր: Փորձը ցույց տվեց, որ նախաձեռնությունը հաջողություն ունեցավ: Այսօր հասունացել է նման աշխատաոճի կիրառումը քաղաքային մյուս փոխադրամիջոցների՝ երթուղային տաքսիների եւ ավտոբուսների պարագայում եւս: Դեռ խորհրդային տարիներին քաղաքային փոխադրամիջոցներում գործում էին, այսպես ասած, «մշտականները»: Այսօր այդ վերգետնյա փոխադրամիջոցներից առավել դինամիկ գործում են երթուղային տաքսիները եւ ավտոբուսները, որոնց ծառայություններից ամեն օր օգտվում են պատկառելի քանակությամբ ուղեւորներ: Ընդ որում, նույն անձը օգտվում է միեւնույն համարի երթուղային տաքսուց կամ ավտոբուսից բազմակի անգամ, եթե չասենք մշտապես: Համոզված կարելի է ասել. «մշտականների» կիրառումը էական եւ մեծ ֆինանսական հոսքեր կապահովի թե՛ քաղաքային բյուջե, թե՛ համապատասխան տնտեսվարող սուբյեկտներին: Այնպես որ, կոչ ենք անում պատկան մարմիններին գործուն քայլեր անել այդ ուղղությամբ:
