Երեկ կառավարությունում տնտեսական համագործակցության համաձայնագիր են ստորագրել, ըստ որի՝ այսուհետեւ Հայաստանի եւ Լեհաստանի տնտեսական հարաբերությունները պետք է ավելի խորանան: Համաձայնագիրը ստորագրելու նպատակով մեր երկիր էր այցելել Լեհաստանի վարչապետ Դոնալդ Տուսկը: Նրա խոսքերով՝ ՀՀ վարչապետ Տիգրան Սարգսյանի հետ զրույցի ժամանակ բացահայտվել են համատեղ շահավետ մի քանի տնտեսական համագործակցության դաշտեր. «Ոչ միայն հանձնաժողով կստեղծվի, այլ նաեւ կսկսենք համագործակցել եւ գործունեություն ծավալել, մասնավորապես՝ քիմիական եւ արդյունաբերական բնագավառներում: Միգուցե նաեւ էլեկտրաէներգիայի բնագավառում Հայաստանից կընդօրինակենք ատոմային էներգետիկային վերաբերող մանրուքներ»:
