Հունվարի 10-ին թիվ 10 ընտրատարածքում տեղի ունեցած ՀՀ ԱԺ մեծամասնական ընտրակարգով պատգամավորի լրացուցիչ ընտրությունների ժամանակ թիվ 10/09 ընտրատեղամասում պատգամավորի թեկնածու Նիկոլ Փաշինյանի վստահված անձանց՝ Պետրոս եւ Կարեն Մակեյաններին, նաեւ Սուրեն Մարտիրոսյանին ծեծի ենթարկելու փաստի առիթով հարուցված քրգործի քննությունը կասեցվել է՝ հանցագործություն կատարած անձանց չհայտնաբերելու հիմքով: Երեկ Պետրոս Մակեյանը «Առավոտի» հետ զրույցում ասաց, թե մարտի 11-ին իրեն հրավիրել են ՀՀ ոստիկանության Կենտրոնի քննչական բաժին, որտեղ նրան միանգամից երկու նորություն են ասել. մեկ՝ որ նա քրգործով անցնում է որպես տուժող, նաեւ՝ որ քրգործը կարճվել է: Մակեյանին նաեւ «մխիթարել» են, թե՝ քրգործի նախաքննությունը կարող է վերսկսվել, եթե նրան ծեծի ենթարկողներին «հաջողվի» ի հայտ բերել:
