Ռուս ռազմական փորձագետ Պավել Ֆելգենհաուերը «Ազատություն» ռադիոկայանին տված հարցազրույցում կարծիք է հայտնել, որ Հայաստանի եւ Ադրբեջանի միջեւ պատերազմի վերսկսման իրական վտանգ գոյություն ունի. «Այսօր լուրջ վտանգ կա, որ իրավիճակը կապակայունանա։ Մինչ այս ոչ Բաքվում, ոչ Երեւանում իրավիճակի սրացում չէին ուզում։ Ալիեւի աշխատակազմն իր առաջ լուրջ առաջադրանք է դրել, որին հասնելու համար նա կարող է ռիսկի դիմել եւ վերսկսել ռազմական գործողությունները։ Ադրբեջանը կարող է գնալ այդ քայլին անգամ այն դեպքում, եթե ռազմական գործողությունների ելքն իր համար գոհացուցիչ չլինի։ Ադրբեջանական կողմի այդ քայլի նպատակը ոչ թե Լեռնային Ղարաբաղը ստանալն է, այլ այն, որ հայ-թուրքական արձանագրությունները չեղյալ համարվեն»,- ասել է փորձագետը:
