![\"\"](\"https://www.aravot.am/2010/aravot_arm/March/5/p17.jpg\")
Իրաքում խորհրդարանական ընտրությունները թեեւ նշանակված են մարտի 7-ին, բայց երեկ տեղի է ունեցել նախնական քվեարկություն, որին մասնակցելու էին ընտրության իրավունք ունեցող ավելի քան 600 հազար զինծառայողներ եւ ոստիկաններ, նաեւ դատապարտյալներ եւ ստացիոնար բուժման մեջ գտնվող հիվանդներ: APA-ի մատուցմամբ, ընտրական տեղամասեր են բացվել բոլոր ուղղիչ հիմնարկներում եւ հոսպիտալներում: Հիշեցնենք, որ ընտրությունները սպասարկելու համար երկրում գործելու են ընդհանուր առմամբ 2061 ընտրական տեղամասեր: Սպասվում է, որ բուն ընտրություններին՝ մարտի 7-ին մասնակցելու է մոտ 19 միլիոն մարդ, արտերկրում բնակվող իրաքցիները քվեարկելու են մարտի 5-7-ը ընկած ժամանակահատվածում: Իրաքի նորընտիր խորհրդարանն ունենալու է 325 տեղ, որի համար պայքարում է 165 կուսակցություն եւ 12 նախընտրական դաշինք ներկայացնող 6172 թեկնածու:
