![\"\"](\"https://www.aravot.am/2010/aravot_arm/March/5/p15.jpg\")
Հնդկաստանի հյուսիսային Ուտտար-Պրադեշ նահանգում գտնվող Ռամ Ջանկի տաճարում սկսված հրմշտոցի արդյունքում ավելի քան 60 մարդ է զոհվել, այդ թվում՝ կանայք եւ երեխաներ: Սակայն հնարավոր է, որ զոհերի թիվն ավելանա: Շատ կանայք եւ երեխաներ վնասվածքներ են ստացել, նրանցից 20-ի վիճակը բնութագրվում է ծանր: Այս մասին, «Reuters»-ի փոխանցմամբ, հաղորդել է տեղի ոստիկանապետ Բրիջ Լալը: Հրմշտոցը սկսվել է այն ժամանակ, երբ տաճարի մուտքի մոտ ծանր դարպասներն ընկել են մարդկանց վրա: 30 ուխտավոր մնացել է փլատակների տակ: «ԼՁԸՀ-ՁԸհհ»-ը տեղեկացնում է, որ տաճարում ընդհանուր առմամբ գտնվել է մոտ 8000 մարդ, որոնք ժամանել էին կրոնական տոնի կապակցությամբ անվճար ճաշին մասնակցելու եւ տեղի սրբի կողմից բաժանվող հագուստ ստանալու համար:
