Երեւանի Մոնթե Մելքոնյանի անվան թիվ 11 դպրոցի նախկին ուսուցչուհի Նաիրա Եղիազարյանի հայցի (ընդդեմ դպրոցի տնօրեն Ռուզան Ազիզյանի՝ աշխատանքում վերականգնելու եւ հարկադիր պարապուրդի գումարը վճարելու պահանջով) քննության հետաձգումը կարծես դարձել է օրինաչափություն: Երեկ Մալաթիա-Սեբաստիա վարչական շրջանի ընդհանուր իրավասության դատարանում, դատավոր Կ. Ֆարխոյանի նախագահությամբ, պետք է լսվեր հայցը, սակայն այն կրկին հետաձգվեց: Եթե նախորդ անգամ դատական նիստը հետաձգվեց գործում որպես 3-րդ կողմ ներգրավված՝ ԿԳՆ կրթության պետական տեսչության Գնահատման եւ վերլուծության բաժնի պետի տեղակալ Արմեն Գեւորգյանի՝ անձը հաստատող լիազորագիր չներկայացնելու պատճառով, ապա այս անգամ՝ նրա բացակայության պատճառով:
Հայցվորի ներկայացուցիչ Հարություն Բաղդասարյանը միջնորդություն ներկայացրեց՝ շարունակել նիստը, իսկ պատասխանողի ներկայացուցիչ Արշակ Թովմասյանը առաջարկեց նիստը հետաձգել, քանի որ իրենք բազում հարցեր ունեն տեսչության ներկայացուցչին ուղղելու: Այս միջնորդությունը բավարարվեց եւ նիստը հետաձգվեց:
