![\"\"](\"https://www.aravot.am/2010/aravot_arm/March/4/p13.jpg\")
Թուրքիան պատրաստ է վերսկսել իր միջնորդական առաքելությունը՝ Սիրիայի եւ Իսրայելի հետ անուղղակի բանակցություններում: Այդ մասին, ըստ ԼՁԸՀ-ՁԸհհ-ի, հայտարարել է Թուրքիայի ԱԳ նախարար Ահմեդ Դավութօղլուն՝ Կահիրեում, եգիպտացի իր գործընկերոջ՝ Ահմեդ Աբու ալ-Գեյթի հետ բանակցությունների արդյունքում: «Եթե երկու կողմերն էլ քաղաքական կամք ցուցաբերեն, ապա մենք պատրաստ ենք միջնորդի դեր ստանձնել»,- ասել է Դավութօղլուն: Սիրիա-իսրայելյան անուղղակի խորհրդատվությունները, որոնց որպես միջնորդ մասնակցում էր Անկարան, ընդհատվել էին 2008թ. վերջին՝ Իսրայելի կողմից Գազայի հատվածում, «Ձուլած արճիճ» ռազմական գործողության մեկնարկի հետ կապված: Այն ժամանակ Իսրայելի գործողությունները խստորեն քննադատվեցին նաեւ թուրքական իշխանության կողմից: Իր հերթին Իսրայելի ԱԳ նախարար Ավիգդոր Լիբերմանը անցյալ տարեվերջին հայտարարել էր, թե մերժում է Անկարայի՝ որպես միջնորդի մասնակցությունն այդ բանակցություններին: Միաժամանակ սիրիացիները պնդում են, որ բանակցություններն ընթանան առանց նախապայմանների եւ բացառապես Թուրքիայի միջնորդությամբ:
