Օպերատիվ տեղեկություններն իրականացնելիս անձնական ստուգման է ենթարկվել ՀՀ արդարադատության նախարարության «Նուբարաշեն» քրեակատարողական հիմնարկի անվտանգության ապահովման բաժնի կրտսեր մասնագետ, արդարադատության լեյտենանտ Գրիգոր Հարությունյանը: ԱՆ մամուլի քարտուղար Լանա Մշեցյանի տեղեկացմամբ, ստուգման ընթացքում նա ներկայացրել է իր համազգեստի վերնաշապիկի տակ թաքցրած ծխախոտի տուփը, որի մեջ հայտնաբերվել են ծխախոտի երկու գլանակ՝ պոլիէթիլենային թաղանթով փաթեթավորված, 2.9 գրամ ընդհանուր քաշով, կանաչ գույնի, մանրացված, յուրահատուկ հոտով զանգվածով:
Գ. Հարությունյանը հայտնել էր, որ հայտնաբերվածը թմրանյութ է, որը նա պետք է 35 000 դրամի դիմաց փոխանցեր նույն քրեակատարողական հիմնարկում գտնվող կալանավորված անձ Արթուր Սմբատյանին, ում հետ նախօրոք եկել էր հանցավոր համաձայնության: Կատարվում է հետաքննություն:
